Vilja meira ímóti ukreinum

Vilja meira ímóti ukreinum
Hóast Ukreina eisini er eitt sterkt mótstøðulið, ætla kvinnurnar á fótbóltslandsliðnum at flyta liðið longur fram á vøllin í mun til dystirnar í september, og liðið er sett:
Kára Djurhuus byrjar inni ímóti Ukreina í dag
Mynd: Bjarni Enghamar/FSF  
 
21.10.2021 - 15:22

Í dag spælir føroyska fótbóltslandsliðið við kvinnum sín triðja HM-undankappingardyst á hesum sinni.

Farna mánaða varð tað til tvey stórtap - 10-0 á heimavølli ímóti Spania og 7-1 ímóti Skotlandi á Hampden Park - og hóast Ukreina eisini er eitt sterkt lið, hava føroysku kvinnurnar ætlanir um betri spæl og úrslit.

 - Ukraina er avgjørt eitt sera gott lið, men tær tykjast eisini spæla við eitt sindur størri váða enn serliga Spania, men eisini Skotland. Tað vóna vit sjálvandi at kunna brúka til okkara fyrimun, og vit fara at royna at flyta okkara verjuspæl longur fram á vøllin, soleiðis at vit vónandi kunnu skapa meira, enn vit hava megnað, sigur Ásla Johannesen við heimasíðuna hjá Fótbóltssambandinum.

Ukreina hevur ongan dyst spælt í undankappingini enn.

Føroyska liðið: Óluva Allansdóttir Joensen; Ásla Johannesen, Sarita Maria Mittfoss, Rakul Maria Johannesen, Birita Ryan, Kára Djurhuus; Sanna Svarvadal, Olga Kristina Hansen, Heidi Sevdal; Julia Naomi Mortensen og Maria Biskopstø.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585