Uppskotini um sammóður útsett

Fyrsta viðgerð var av uppskotinum um  sammóður var 30.september, og higartil hevur Trivnaðarnevndin havt tveir fundir um málini.

Næsti fundur er týsdagin.

Tá hava landsstýriskvinnan í almannamálum saman við Familjufyrisitingini og Almannaverkinum, Ríkisumboðið, biskupur,  Annika Vang og Karin Jacobsen Vang og landsstýrismaðurin í heilsumálum saman við Gigni og Landssjúkrahúsinum fingið fundarboð.

Talan er um broytingar í nøkrum lógum, barsilslógini, rættargangslógini og lógini um rættarstøðu barna, arvalógini, lógini um foreldramyndugleika og samveru og lógini um at viðurkenna norðurlendskar avgerðir um faðirskap.

Tingfólk í Javnaðarflokkinum, Tjóðveldi og Framsókn løgdu fram uppskotini.

Trivnaðarnevndin hjá løgtinginum hevur biðið um freist til 15.november at skriva álit um uppskotini um sammóður.