WHO: Ein hálv millión evropearar fara at doyggja av koronu í vetur

Tað er ikki bara í Føroyum, at koronasmittan aftur ger um seg í Evropa, og tað fær heimsheilsustovnurin, WHO, at rópa varskó.

WHO sigur seg bera ótta fyri, at ein hálv millión fólk í Europa kunnu doyggja av koronu í vetur, skrivar Reuters.

WHO vísir á, at nú veturin nærkast, vísa smittutølini seg at vaksa sera skjótt, og gongdin er vandamikil. 

Gongdin er ógvuslig í teimum 53 londunum, sigur økisleiðarin hjá WHO í Europa, Hans Kluge.

Hann hevur fyrr ávarað um, at sum gongdin er nú, so er ikki óvist, at evropeisku londini í februar fara at hava staðfest 500.000 deyðsføll við koronu, um verandi gongd heldur fram.

Tað er serliga í londunum í eysturevropa at smittan breiðir seg, men eisini í londum í vestureuropa, eitt nú Týsklandi, Bretlandi og  Eysturríki. 

Eisini í Danmark veksa smittutølini aftur.