Trý føroysk ross brúkast til kynbótaarbeiði

08.11.2021 - 09:09
AktueltPolitikkur
Trý føroysk ross brúkast til kynbótaarbeiði
250.000 kr. eru settar av næsta ár til at betra korini hjá hesum rossunum, og eitt fólk verður sett parttíð
Í fyrsta lagi er neyðugt at fáa føroyska rossið góðkent sum serligt rossaslag, sigur Magnus Rasmussen, landsstýrismaður, í svari til Bjørt Samuelsen, løgtingskvinnu.
 

Búnaðarstovan hevur keypt trý føroysk ross. Rossini skulu brúkast til kynbótaarbeiði. 

250.000 kr. eru settar av næsta ár til at betra korini hjá hesum rossunum.

Eitt fólk skal setast parttíð til hetta arbeiðið.

Tað sigur Magnus Rasmussen, landsstýrimaður, í svari til Bjørt Samulsen, tingkvinnu, sum spurdi um føroyska rossið.  

Hann sigur, at Umhvørvis- og Vinnumálaráðið og Heilsufrøðiliga starvsstovan fyrireika lógarbroytingar, so føroysk ross kunnu útflytast. 

94 føroysk ross

Talan er um rúgvusmikið arbeiði, sum væntandi fer at taka drúgva tíð, sigur Magnus Rasmussen. 

Í fyrsta lagi er neyðugt at fáa føroyska rossið góðkent sum serligt rossaslag.

Spurningurin er, um rossastovnurin er nóg stórur at verða góðkendur. Hetta verður kannað í løtuni.

94 føroysk ross eru. Sambært FAO skulu aliryssurnar vera fleiri enn 1000, skal stovnurin ikki vera hóttur. 

Er kopiera
Nýggjastu sendingar í ÚV
Nýggjastu sendingar í SV
Sunnudag 26. mars
Guðstænasta úr Sjóvar kirkju
154691
Sunnudag 26. mars
Andakt við Árna Joensen
154684
Fríggjadag 24. mars
Veðrið 24. Mars
154636
Mikudag 22. mars
Úr savninum: Flúgviplássið
154470