Tvøroyrar kommuna brúkar framkomna tøkni móti rottum

Tvøroyrar kommuna fer nú í herna móti rottunum í kommununi við framkomnari útgerð. 

Tvøroyrar kommuna hevur gjørt avtalu við fyritøkuna Arctic Systems, ið hevur ment og framleitt eina skipan, sum við hjálp frá sensorum og tilgjørdum viti, tryggjar eina munagóða rottutýning.

Í staðin fyri at spjaða rottueitur í náttúruna, so er hugskotið at nýta heilt vanligar klappfellur.

rottufellur, Tvøroyri

Frítekst tagging: 

Tvøroyri

rottur

Rottufellur

Rune Barslund, stjóri, Arctic Systems, og Linn Augustinussen, tekniskur leiðari, Tvøroyrar kommuna

226 fellur

Kommunan hevur í løtuni 226 slíkar klappfellur kring um í sóknini, men avbjóðingin er at hava dagligt eftirlit við so nógvum klappfellum.

Her kemur RATMO-tólið til hjálpar, sum tá ið hon er viðheft í eina klappfellu, sjálvvirkandi sendir boð aftur til eina telduskipan, tá fellan er klamsað í.

Skipanin sigur frá, um eitt livandi skaðadjór situr í felluni, ella um skaðadjórið er dripið beinanvegin. 

Starvsfólkið við ábyrgd fyri rottutýning hevur eina app á telefonini, sum gevur sjálvvirkandi boð um, hvar og nær eitt skaðadjór er komið í felluna.

Samstundis verða dátur innsavnaðar, so sum tíð á degnum og hitastig, tá ið fellan gerst virkin. 

Tað skrivar Tvøroyrar kommuna á sínari heimasíðu.