- Tíðindi, mentan og ítróttur
Kunnu biðja um undangóðkenning til Fast Track
Kunnu biðja um undangóðkenning til Fast Track
Skipanin skal gera tað lættari at fáa fólk úr londum, sum ikki eru í ES, til Føroya at arbeiða
Magnus Rasmussen, landsstýrismaður, gjørdi Fast Track-avtaluna við danskar myndugleikar, og hon er nú komin í gildi.
23.11.2021 - 08:38
Longu nú kunnu arbeiðsgevarar í Føroyum søkja um undangóðkenning til sokallaðu Fast Track skipanina, sum skal gera tað lættari at fáa fólk úr londum, sum ikki eru í ES, til Føroya at arbeiða.
Í síðstu viku kom avtalan millum landsstýrismannin í arbeiðsmarknaðarmálum og danska ráðharran í útlendinga- og integrasjónsmálum um Fast Track skipan í gildi.
Og arbeiðsgevarar kunnu nú søkja Útlendingastovuna um undangóðkenning.
Tá arbeiðsgevarin er góðkendur, kann útlendski arbeiðstakarin søkja um arbeiðs- og uppihaldsloyvi í Føroyum.
Arbeiðsgevarar, sum hava undangóðkenning til ES-skipanina, noyðast at søkja av nýggjum, tí Fast Track skipanin fyri ES er ikki galdandi fyri fólk úr londum, sum ikki eru í ES.
Er kopiera
Nýggjastu sendingar í ÚV
Nýggjastu sendingar í SV
