At strika heftirevsing krevur 42 lógarbroytingar

Neyðugt er at broyta 42 lógir, tí heftirevsingin er strikað. 

Í staðin fyri hefti verður nú dømt fongsul í upp til fýra mánaðir. 

Landsstýrið kom í løgtingið í gjár við ríkislógartilmæli um at seta nýggja revsifullgerðarlóg í gildi í Føroyum.

Innihaldsliga broytir uppskotið ikki galdandi lóggávu í Føroyum. 

Heftisrevsingin bleiv strikað í Føroyum longu í 2010, men stendur tó framvegis í nógvum serlógum, sum nú skulu broytast.

Í serlógunum, bæði um sermál og felagsmál, er ásett, at heftisrevsing er heimilað.

Heftisrevsingin kom í 1930.

Hetta var ein mildari háttur at halda fólk handan rimarnar enn verulig fongsling. Hefti var frá sjey døgum upp í seks mánaðir.

Hefti bleiv strikað í Danmark í 2000 og í Føroyum sum sagt í 2010.