Mæla til at lækka ferðaavgjaldið niður í 30 kr.

Vága floghavn mælir til at taka av ferðaavgjaldið ella lækka tað niður í 30 krónur.

Nú er ferðaavgjaldið 65 krónur. 

Tað var upprunaliga 120 krónur fyri hvørt ferðafólk. Ferðaavgjaldið kom í 1988.

Tað hevur verið 65 krónur síðani 1.oktober 2013.

Steinur oman á byrðu

Vága floghavn sigur í brævi til Fíggjarnevnd løgtingsins, at ferðaavgjaldið er steinur oman á byrðu hjá ferðavinnuni.

Í 2020 fekk landskassin 6,9 mió.kr. í ferðaavgjaldi. 

Inntøkurnar eru mettar til 8 mió.kr. í ár.

Roknað er við 11 milliónum í uppskotinum um fíggjarlóg fyri 2022.