Føroyski báturin á lista yvir siðaarv hjá mannaættini

Føroyski báturin kom í gjár í UNESCO listan yvir umboðandi siðaarv hjá mannaættini. 

Føroyski báturin hevur við hesum fingið altjóða viðurkenning.

Samstundis verður staðfest, at føroyski báturin, og harvið bátasmíð, brúk, siðvenjur og vitan um føroyska bátin skulu verjast og førast víðari til komandi ættarlið.

bátasmíð, føroyskt bátasmíð, føroyski báturin

Súðubygdir bátar

Súðubygdir bátar úr øllum Norðurlondum eru komnir í UNESCO listan.

Síðan 2015 hava bátasmiðir, bátafeløg og søvn úr øllum Norðurlondum arbeitt miðvíst við hugskotinum at fáa súðubygda bátin í listan. Og tað eydnaðist í gjár. 

Norska mentamálaráðið sendi felags norðurlendska umsókn í mars 2020.

bátasmíð

Fekk sítt skap í 17. øld

Føroyski báturin, sum vit kenna hann í dag, fekk helst sítt eyðkenda vakra og sjógóða skap miðskeiðis í 17.øld. 

Føroyski báturin er súðubygdur, har kjølurin fyrst verður reistur, og borðini síðani verða sett fyri við kanti yvir kant og klinkað saman í súðunum. 

Hesin hátturin at smíða bátar hevur verið kendur í minst 2000 ár og er brúktur í øllum Norðurlondum. Stóru víkingaskipini vóru eisini súðubygd.

UNESCO sáttmálin um at verja siðaarv er frá 2003. Føroyar tóku undir við sáttmálanum í 2018. 

Tjóðsavnið umsitur sáttmálan.

bátasmíð