Landsstýrismaðurin um sendistovur: Langt millum orð og gerðir

Beinir Johannesen, løgmaður og formaður í Fólkaflokkinum, hevur gjørt greitt, at sendistovan í Telaviv í Ísrael skal ikki niðurleggjast.

Hann segði við útvarpið um vikuskiftið, at hetta hevur Bárður á Steig Nielsen, landsstýrismaður i uttanríkismálum, fingið at vita, bæði fyri og eftir at fíggjarlógaruppskotið var lagt fram. 

Bárður á Steig Nielsen, sum eigur uppskotið um at niðurleggja sendistovuna, ásannar, at tað onkuntíð kann vera langt millum orð og gerð í politikki.

Føroysk sendistova í Ísrael, Jenis av Rana á føroysku sendistovuni í Ísrael

Hann sigur, at niðurleggja sendistovur byrjaði longu áðrenn samgonguskjalið varð undirskrivað.

Bárður á Steig Nielsen sigur, at ætlanin um at niðurleggja sendistovuna í Tel Aviv er ikki tikin úr leysum lofti.

Hóast løgmaður nú hevur gjørt greitt, at sendistovan í Ísrael skal ikki lata aftur, væntar Bárður á Steig Nielsen ikki, at hetta fer at ávirka sjálvt samgongustevið, men hann vísir á, at tað er neyðugt at tora at fremja bygnaðarbroytingar.

Hoyr innslag í í útvarpstíðindunum: 

Sí eisini: Sendistovan í Tel Aviv fer ongan veg