Frítekst tagging:
- Tíðindi, mentan og ítróttur
Herjólf III skal framhaldandi vera tøkur at avloysa í Íslandi
17.12.2021 - 07:47
Aktuelt›Samfelag
Herjólf III skal framhaldandi vera tøkur at avloysa í Íslandi
Um SSL keypir Herjólf III at avloysa og hjálpa til á Suðuroyarleiðini, so er eitt krav úr Íslandi, at hann eisini skal vera tøkur at avloysa har, um tørvur er á tí
Herjólf III varð bygdur í Noregi í 1992
Íslendska ferjan Herjólfur III verður kanska keypt til Føroya, men skal kortini halda fram sum avloysaraskip fyri nýggja Herjólf, sum siglir millum íslendska meginlandið og Vestmannaoyggjarnar.
Tað sigur íslendska Vegagerðin, sum svarar til Landsverk hjá okkum.
Samráðingar eru við føroyskar myndugleikar um Herjólf III.
Skal framhaldandi avloysa í Íslandi
Tá nýggi Herjólfur kom fyri tveimum árum síðani, var Herjólfur III lagdur, men brúktur sum avloysaraskip, tá brúk er fyri tí.
Sambært Vegagerðini er ein treyt haðani, at Herjólfur III kann avloysa í Íslandi eitt samdøgur eftir, at biðið verður um tað.
Í summar skrivaðu íslendskir miðlar, at Herjólfur III var til sølu fyri góðar 30 milliónir danskar krónur.
Bygdur í Noregi
Herjólfur III er bygdur í Noregi í 1992 og er 2.222 bruttotons.
Skipið er 71 metrar langt og 16 metrar breitt og tekur 500 ferðafólk og 55 bilar.
Ferðin er 16,5 míl.
Væl minni enn Smyril
Talan er tí um eitt skip, sum er nakað væl minni enn Smyril.
Smyril kann taka 800 ferðafólk um veturin og 950 um summarið. Hann tekur 200 bilar ella 30 treilarar.
Smyril er góð 12.300 bruttotons, 135 metrar langur og 22,7 metrar breiður.
Smyril kann sigla 21 míl.
Er kopiera
Sí eisini
Nýggjastu sendingar í ÚV
Nýggjastu sendingar í SV
