Fiskimenn í ES fáa minni í sín part í fiskivinnuavtalu við Bretland

22.12.2021 - 10:13
AktueltÚtheimurin
Fiskimenn í ES fáa minni í sín part í fiskivinnuavtalu við Bretland
Serliga kvotan av hvítingsbróðuri er minka nógv í fiskivinnuavtaluni millum Bretland og ES. Úr 116.000 tonsum niður í sløk 50.000 tons.
Danskir fiskimenn, serliga í Thyborøn, harmast um nýggju fiskivinnuavtaluna millum ES og Bretland
Mynd: shutterstock.com  
 

ES fær minni í sín part, eftir at samveldið hevur gjørt fisirættindaavtalu við Bretland fyri 2022.

Tað upplýsir danska fiskimálaráðið í tíðindaskrivi.

"Eg eri nøgdur við at ein avtala er fingin í lag, tí nú vita donsku fiskimenninir hvørjar møguleikar teir hava fyri fiskiskapi næsta ár, sigur Rasmus Prehn, sum er danskur ráðharrin fyri matvørum, landbúnaði og fiskivinnu. 

 

Kvotan av hvítingsbróðuri nógv minkað

Tað er serliga kvotan av hvítingsbróðuri, sum minkar nógv. Úr 116.000 tonsum niður í sløk 50.000 tons.

Flest allar kvotur hjá donsku fiskimonnunum eru lægri enn tær vóru, men onkrar kvotur eru hækkaðar.

Kvoturnar eru ásettar eftir tilmælum frá fiskifrøðingum.

Avtalan, ið er gjørd, er galdandi fyri fisk sum londini í felag hava eftirlit við.

Avtalan er gjørd í tráð við avtaluna tá Bretland fór úr ES, sigur danski ráðharrin.

 

ES samtykt 1,3 mia. kr. í stuðli

Ein stórur meiriluti í fólkatinginum hevur samtykt at lata donsku fiskimonnunum 1,3 milliardir kr. í stuðuli, tí teir missa rættindi av Brexit.

841 milliónir krónur skulu nýtast at lata fiskimonnunum, sum missa kvotur, og 204 milliónir kr. skulu latast til upphøgging til fiskimenn, sum ætla at gevast í vinnuni.

Hóast talan er um hjálp í játtanini, so siga fleiri fiskimenn seg ikki fáa alt, sum teir missa við avtaluni við Bretland, skrivar Ritzau.

Nýggja fiskivinnuavtalan verður ein vanlukka fyri nógvar danskar fiskimenn, skrivar DR á heimasíðuni. 

Er kopiera
Nýggjastu sendingar í ÚV
Leygardag 21. mai
Morgunlestur leygardagur 21.mai 2022
139574
Fríggjadag 20. mai
Nón 20. mai 2022
139935
Fríggjadag 20. mai
Vesisex á Gentuvesinum
139930
Fríggjadag 20. mai
Ein granni ger innrás 4:4
139900
Nýggjastu sendingar í SV
Hósdag 19. mai
Sært tú meg 2:3
139885
Mánadag 16. mai
3-2
139731
Sunnudag 15. mai
Andakt við Andriasi Magnussen
139652
Sunnudag 15. mai
Guðstænasta úr Vesturkirkjuni
139650
Leygardag 14. mai
Stóri FM-dagurin
139646