Tvey fólk á sjúkrahús eftir ferðsluóhapp

Tvey fólk vóru flutt á Landssjúrkahúsið í nátt eftir eitt ferðsluóhapp. 

Ein bilur við einum manni koyrdi yvir í mótkoyrandi breyt á vegastrekkinum við Giljanes í Vágum.

Bilurin rendi frontalt inn í ein bil, og bæði fólkini í tí bilinum vóru flutt á Landssjúkrahúsið til kanningar.

Niðursett ferð er í økinum á Giljanesi, men enn er ikki greitt, um bilurin hevði ov nógva ferð, sigur Kristian Martin Joensen, vaktleiðari.

Bilførarin er handtikin fyri rúsdrekkakoyring og fyri at koyra bil uttan at hava koyrikort.

Annars var árliga rekkjukoyringin í Vágum í gjárkvøldið. Og tað gekk friðarliga fyri seg, sigur vaktleiðarin.