Elias á Skipagøtu sera ivasamur til HM-undankapping

10.01.2022 - 11:17
ÍtrótturHondbóltur
Elias á Skipagøtu sera ivasamur til HM-undankapping
Stjørnuskotið á føroyska hondbóltslandsliðnum, Elias á Skipagøtu, hevur skaða at dragast við, og mest sannlíkt spælir hann lítið og einki í undankappingini um vikuskiftið
Elias á Skipagøtu á tíðindafundi fyrrpartin
 

Elias á Skipagøtu fær ikki stóran leiklut, tá føroyska hondbóltslandsliðið spælir HM-undankapping á heimavølli um vikuskiftið.

IK Sävehof-spælarin fekk eitt brot í høkuna fyri jól, og í løtuni bendir nógv á, at tað fer at forða honum í at spæla fyri Føroyar í kappingini, sum byrjar fríggjadagin.

 - Tað er enn ringt at siga, sigur Elias á Skipagøtu.

 - Tað sær eitt sindur svart út, men eg vóni, at eg kann.

Endalig avgerð er ikki tikin enn.

 - Men um eg verði við, verður tað helst í minni leikluti. Kanska eitt sindur av yvirtalsspæli, har eg ikki fái so nógv sløg í høvdið, sigur Elias á Skipagøtu.

Talan er um brot, sum í løtuni liggur, sum tað skal, men vandi er fyri, at mongu nærdystirnir gera, at brotið versnar.

Smeitur fyri føroysku vónirnar

Luksemburg, Lettland og Italia verða mótstøðulond um vikuskiftið, og mett verður, at Føroyar hava ein líkinda møguleika at enda millum tvey tey fremstu og sostatt spæla seg víðari til play-off umfar í mars.

Elias á Skipagøtu iðrar seg um, at hann ikki fær spælt við fullari ferð í kappingini frammanfyri føroysku áskoðarunum.

 - Eg havi glett meg øgiliga nóg - tað hava vit nokk øll - so tað er øgiliga keðiligt, at eg ikki fái verið við so nógv, sum eg vil.

Næstu dagarnar verður avgjørt, hvussu nógv ella um Elias á Skipagøtu skal spæla.

Bakspælarin, Kjartan Johansen, viðgongur, at skaðin hjá Eliasi á Skipagøtu kemur illa við hjá Føroyum.

 - Tað er ein stórur missur, sigur spælarin úr Önnereds HK. 

 - Elias spælir á hægst stigi av okkum, og hann skal ofta gera tað fyrsta fyri okkum, og so mugu vit aðrir fylgja við.

 - Nú er tað upp til okkum aðrar at vísa, at vit eru nóg góðir, sigur Kjartan Johansen. 

  

Er kopiera
Nýggjastu sendingar í ÚV
Mánadag 17. januar
Við Tórði á túri um staðarnøvn
134177
Mánadag 17. januar
Nón - 17. januar 2021
134169
Mánadag 17. januar
Norðurljóð 17.januar 2022
133666
Mánadag 17. januar
Nogvir spennandi venjarar í Betri-deildini
134160
Mánadag 17. januar
Greidleiki er lítið brúkt
134135
Nýggjastu sendingar í SV
Sunnudag 16. januar
3-2
134104
Sunnudag 16. januar
Hondbóltur: Luksemburg - Føroyar
134089
Sunnudag 16. januar
Hvør veit?
134088
Sunnudag 16. januar
Andakt við Christiani Gabrielsen
134087
Sunnudag 16. januar
Hondbóltur: Italia - Føroyar
134086