Havsbrún keypir lodnu frá grønlendskum skipi

Havsbrún hevur keypt 2100 tons av lodnu frá grønlendska skipinum Polar Ammasak, sum fiskar fyri íslendingar. 

Íslendsku skipini landa eisini lodnu í Noregi, tí fiskiskapurin er nú so góður, at virkini í Íslandi klára ikki at taka alla lodnuna alt fyri eitt, skipini koma inn.

Føroyar eiga 30.000 tons av lodnu í íslendskum sjógvi. 

Byrja í februar

Fiskiskapurin byrjar helst fyrst í februar. Enn hevur tó einki skip fingið loyvi at fiska lodnu.

Norsk skip fiska eisini lodnu í íslendskum sjógvi. Noreg eigur 75.000 tons av lodnu við Ísland.

Tey hava higartil ikki fingið nógv, tí tey brúka nót, og lodnan stendur enn so djúpt, at hon fæst ikki við nót.