Sálarfrøðingur: Breivik er einki broyttur

- Eg haldi, at støðan hjá Breivik er tann sama, sum hon hevur verið alla tíðina.

Tað sigur norski sálarfrøðingurin, Randi Rosenqvist.

Ein dómstólur viðger eina umbøn frá Breivik, sum heldur seg eiga at sleppa undan at sita longur, tí hann hevur sitið 10 ár av dóminum upp á 21 ár. Hann vil at verða royndarleyslatin.

Dómstólurin skal taka støðu til, um hann skal sleppa undan at sita liongur, ella um hann er so vandamikil, at semfelagið má verjast fyri honum.

Høvuðsvitni

Randi Rosenqvist hevur fyrr kannað Breivik, og verður tí mett sum eitt av høvuðsvitnunum í viðgerðini hjá dómstólinum.

- Tað eru ongar broytingar, sum fara at steðga hansara gerðum samnborið við 2012 og 2013, tá eg gjørdi fyrstu metingina, sigur hon.

Í juli í 2011 leyp Breivik á ungfólk á Utøya og sprongdi eina bumbu við stjórnarbygningarnar í Oslo. 77 fólk doyðu í atsóknunum.

Breivik er dømdur at sita í 21 ár, men kann eftir norskari lóg biðja um at vera royndarleyslatin.