- Tíðindi, mentan og ítróttur
Assange sleppur at kæra til hægstarætt
Assange sleppur at kæra til hægstarætt
Ein bretskur dómstólur avgjørdi fyri jól, at stovnarin av Wikileaks kann útflýggjast USA, men avgerðin kann kærast.
Í USA er Julian Assange ákærdur fyri at hava almannakunngørt túsundtals loynilig skjøl á Wikileaks, í samband við amerikansku krígsførsluna í Irak og Afganistan
Mynd: Reuters
24.01.2022 - 14:42
Julian Assange sleppur at kæra avgerðina um at verða útflýggjaður til USA.
Ein bretskur dómstólur avgjørdi fyri jól, at Julian Assange - maðurin sum stovnaði Wikileaks - kann verða útflýggjaður til USA. Men hesa avgerð sleppur hann nú at kæra til bretska hægstarætt.
Bretska løgreglan handtók Julian Assange á sendistovuni hjá Ekvador í London í 2019. Hann hevði søkt um friðskjól á sendistovuni, sum formliga er ekvadorisk jørð.
Í USA er Julian Assange ákærdur fyri at hava almannakunngørt túsundtals loynilig skjøl á Wikileaks, í samband við amerikansku krígsførsluna í Irak og Afganistan. Eitt nú nøvnini á trúnaðarkeldum hjá amerikansku verjuni.
Er kopiera
Nýggjastu sendingar í ÚV
Nýggjastu sendingar í SV
