913 smittutilburðir í gjár

Enn eri nýggjastu tølini hjá landslæknanum ikki almenn, men Lars Fodgaard Møller, landslækni, upplýsir fyri Kringvarpinum, at heili 913 smittutilburðir vóru staðfestir í kanningunum frá í gjár.

Tað er nýtt smittumet.

3912 kanningar vóru gjørdar í gjár.

Positivprosentið er eisini hægri enn nakrantíð áður. Heili 23,34 prosent.

Í alt hava 4466 fólk fingið staðfest koronu í Føroyum seinastu sjey dagarnar.

Tvey fólk eru innløgd við koronu, meðan ongin er innlagdur av koronu í løtuni.