Boris Johnson til Ukraina

Bretski forsætisráðharrin, Boris Johnson, og polski forsætisráðharrin, Mateusz Morawiecki, fara í dag til Ukraina at hitta forsetan, Volodymyr Zelenskyj.

Johnson og Zelenskyj skulu m.a. tosa um russiska virksemið nærindis ukrainska markinum og bretska stuðulin til Ukraina.

Bretski uttanríkisráðharrin, Liz Truss, verður ikki við á ferðini, tí hon fekk staðfest koronu í gjárkvøldið.

Ein telefonfundur millum Johnson og russiska forsetan, Vladimir Putin, var útsettur í gjár, men Putin tosaði sama dag í telefon við franska forsetan, Emmanuel Macron.

Hetta var framhald av telefonfundinum teirra millum fríggjadagin.

Macron og Putin royna at fáa greiði á, um til ber at hittast andlit til andlits, stendur í fráboðan úr Kreml.