Orban hittir Putin

Ungarski forsætisráðharrin, Viktor Orban, fer í dag til Moskva, har hann skal hitta russiska forsetan, Vladimir Putin. 

Á skránni fyri fundin er kreppan í Ukraina, men eisini handil, orka og mentan, upplýsir Kreml.

Hetta verður fyrsti fundur andlit til andlits millum russiska forsetan og leiðara í einum Nato-landi, eftir at støðan er vorðin spentari millum Russland og Vesturheimin orsakað av støðuni í Ukraina.

Orban hevur ikki verið so avgjørdur, sum Nato og ES hava verið um kreppuna í Ukreina.

Ungarn gjørdist limur í Nato í 1999 og í ES í 2004. 

Ungarn er grannaland hjá Ukraina.