Fjarhitafelagið fær nýggjan príspolitikk

Fjarhitafelagið í Tórshavn hevur verið fyri ógvusligum atfinningum um sín príspolitikk, sum hevur tikið støði í oljuprísunum. Á nýggjárinum hækkaði prísurin millum tíggju og tólv prosent.
Hetta rakar serliga meint fleiri húski í Hoyvíkshaganum, sum eru bundin at vera kundar hjá felagnum, og ikki sleppa at skifta til aðra orkukeldu.
Men nú verður alt hetta broytt sambært nevndarformanninum í Fjarhitafelagnum, Tróndi Sigurðsson.

Avgerð er tikin um, at prísurin ikki longur skal roknast út frá oljuprísinum, og tað merkir eisini at kundarnir fáa bíligari hita frameftir.

Prísurin verður nú læstur fastur, og so verður rmett um hann aftur, so hvørt útbyggingarnar verða lidnar. Tað ger eisini mun, at verkið hjá Sev á Sundi nú verður bundið í aftur fjarhitaskipanina.