53.664 fólk í Føroyum 1. januar

1. januar í ár búðu 53.664 fólk í Føroyum.

Tað vísir nýggjasta uppgerðin hjá Hagstovuni.

Hetta eru 765 fólk fleiri enn um somu tíð í fjør, og svarar til ein vøkstur á 1,4 prosent.

Gongdin líkist tí nógv gongdini í 2020, um enn vøksturin er eitt vet minni.

Í 2020 og 2021 vaks fólkatalið millum 1,4 og 1,6 prosent fyr hvørt 12-mánaðarskeið, meðan vøksturin árini 2018 og 2019 lá millum 1,6 og 1,8 prosent fyri hvørt 12 mánaðarskeið.

Í meðal svaraði fólkavøksturin til, at tað løgdust 65 fólk aftrat um mánaðin í 2020 og 2021.