Sendi neyðarkall - er nú á veg til Føroya

01.03.2022 - 13:14
AktueltSamfelag
Sendi neyðarkall - er nú á veg til Føroya
Brestir fylgist við danska farmaskipinum, sum sendi út neyðarkall, tá var statt í ein útnyrðing úr Mykinesi
Klevstrand sendi út neyðarkall, men tamarhald fekst á støðuni, og neyðugt var ikki at taka manningina av skipinum.
Mynd: Vesselfinder  
 

Danska farmaskipið, Klevstrand, sum sendi út neyðarkall í morgun, er nú á veg til Føroya, og trolarin Brestir fylgist við skipinum, upplýsir MRCC.

Tað var stutt fyri kl. sjey í morgun, at MRCC fekk neyðarkall frá danska farmaskipinum, sum var statt einar 100 fjórðingar í útnyrðing úr Mykinesi. Veðrið var vánaligt, og skipið hevði fingið sjógv í maskinrúmið.

Umvegis Holland og Írland vóru fyrstu boðini frá skipinum, at manningin mátti av skipinum sum skjótast.

Manningin fekk tamarhald á støðuni, og boðaði seinni frá, at neyðugt var ikki at taka manningina av Klevestrand.

Skipið sum var nærmast Klevestrand, var trolarin, Brestir, sum var hjá farmaskipinum um tíggjutíðina fyrrapartin.

Føroyska bjargingartyrlan var eisini hjá skipinum. Hon steðgaði eina løtu, og fleyg so aftur til lands.

 

Brimil á veg

Brimil setti eisini kós ímóti Klevstrand, og verður hjá skipinum um tvey/trítíðina seinnapartin.

Danska sjóverjutrylan er eisini klár at fara til skipið, um tað verður neyðugt.

Tá vit tosaðu við MRCC fyri hálvum tíma síðani, vóru skipini 90 fjórðingar úr landi. Tað gongur seint at sigla, og skipini nærkast bert fimm fjórðingar um tíman.

Tá skipini koma til Føroya, verður eftir ætlan farið á Fuglafjørð við Klevestrand, upplýsir MRCC.

Klevstrand er ein sonevndur coastari, og skipið, sum er 71 metrar langt, var á veg úr Íslandi.
 

Er kopiera
Nýggjastu sendingar í ÚV
Mikudag 28. september
LEITISSTEIN 27.09.2022 (Trucker Frank)
145448
Mikudag 28. september
Góðan morgun Føroyar 28.09.2022
145443
Mikudag 28. september
Morgunlestur mikudagur 28. september 2022
145186
Týsdag 27. september
Ljóarin 27. september 2022
145415
Nýggjastu sendingar í SV
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956