Vinnuferð til Ísraels í mai

Sendistova Føroya í Ísrael og Uttanríkis- og mentamálaráðið skipa í døgunum 22.-26. mai fyri vinnuferð til Ísraels.

Landsstýrismaðurin í uttanríkis- og mentamálum, Jenis av Rana, stendur á odda fyri ferðini.

Á skránni er m.a. vinnuvitjanir, framløgur um vinnulív í Ísrael og B2B tiltøk. Eisini verður hátíðarhald á Sendistovu Føroya í sambandi við, at sendistovan er latin upp.

Kostnaður fyri ferðina er úr 25.000 kr. fyri hvønn, skrivar Uttanríkis- og mentamálaráðið.