Ársins tekstur er Sóleyan

Elin Heinesen hevur útsett tekstin "Sóleyan" hjá pápanum Jens Paula Heinesen, og í kvøld var teksturin kosin ársins tekstur. 

Og tað var ein glað Elin Heinesen, ið tók ímóti FMA-virðislønini. 

SÓLEYAN
Orð: Jens Pauli Heinesen
Lag: Elin Brimheim Heinesen

Kvøldar á sundi, nátt er í nánd
Sólin at havgeiri dregur
Nátarnir flúgva at sovandi strond
Minnini hava so kalda hond
Ið kínir tær, tá ið tú svevur

Streymar á sundi, streymar í mær
Broddur av drepandi iva
Sum melur í klingur, bønar um svar
Men dunið út úr gjáunum lær
At okkum, ið elska, ið liva

Tey spæla bert við okkum, lívsins kor
Tær sælu, lygnandi løtur
Nú lombini leika í grønari skor
Og heimar smildrast við eittans orð
Og sóleyan lýsir um fløtur
Sóleyan lýsir um fløtur