Kina letur býir aftur fyri at fáa tamarhald á koronu

Í eini roynd at fáa tamarhald á koronufarsóttini, stongir Kina ein bý, har 17,7 milliónir fólk búgva. 

Tað skrivar The Guardian.

Myndugleikarnir í býnum Shenzhn seta í gildi lockdown, og allir íbúgvar skulu kannast fyri covid-19 tríggjar ferðir. 

Allar fyritøkur, undantikið tær, sum veita mat, brennievni og aðrar neyðsynjarvørur, hava fingið boð um at lata aftur, og starvsfólk skulu arbeiða við hús.

NTB skrivar, at fleiri býir eru stongdir í Kina, til tess at finna og avbyrgja smittaðar borgarar.