13 hitamet í Noregi

13 nýggj hitamet eru sett í Noregi í hesum mánaðinum.

Hitametini vóru staðfest frá Tromsø til Nord-Vestlandet longu annað vikuskiftið í mars.

Á grækarismessu vóru mátað 15,9 stig í Molde, men eisini 12 aðrar veðurstøðir settu met hetta vikuskiftið.

Sama dag vórðu mátað 9,7 stig í Tromsø. So nógv hitamet so tíðliga í mars er ikki vanligt, sigur veðurfrøðingurin, Magnus Ovhed, við NRK.

Lýggj luft og sól

Óvanliga lýggj luft yvir Noregi, hátrýst og nógv sól eru orsøkin til nógvu hitametini.

Mesti hitin varð mátaður í Ålesund, 16,6 stig, men hetta er tó ikki met í Ålesund.

Norski verðurstovnurin hevur sent út ávaring um skógareld.

Seinastu dagarnar hevur sløkkiliðið í Vestland verið boðsend til níggju skógareldar, har tamarhald ikki hevur verið á eldinum.