HB framvegis oddalið

Dysturin endaði 1-0 til HB, sum leikliga hevði yvirtakið í einum annars tomum dysti. 

Einasta málið í dystinum skoraði Stefan Radosavljevic í 57. minutti, tá hann úr egnari hálvu rann frá allari B36 verjuni og sett bóltin hegnisliga í málið aftan fyri Mathias Lamhauge.

Í hinum dystinum í bestu fótbóltsdeildini við monnum, sum var spældur í gjár, vann B68 sannførandi 2-0 á NSÍ við Løkin í Runavík. 

Hetta er fyrsti sigurin í bestu fótbóltsdeildini hjá B68 á NSÍ í 10 ár. 

Málini skutu Sebastian Lau Nielsen, sum nú er toppskjútti í deildini, og Steffan Løkin í ávikavist 14. og 45. minutti. 

Umframt málini, so brendi B68 eisini eitt brotsspark. 

------

Hinir dystirnir verða spældir í dag klokkan trý, tá Víkingur tekur móti AB í Sarpugerði, EB/Streymur og KÍ spæla við Margáir, og Skála og 07 Vestur bresta saman undir Mýruhjalla á Skála.