Føroyameistarar í bogaskjóting funnir

Sólgerð Henriksen, Hans Bogi Ellefsen og Nikkel Petersen gjørdust um vikuskiftið føroyameistarar í bogaskjóting á 18 metra frástøðu.

Í recurve vann Sólgerð Henriksen úr Vágaskoti finaluna ímóti Rebekku L. Olsen úr Ørvi. Úrslitið var 6-0. 

Hans Bogi Ellefsen úr Vágaskoti vann kappingina í recurve við monnum. Hann vann 6-0 í finaluni ímóti Hans Peturi Højgaard úr Ørvi.

Í compound var Nikkel Petersen úr Ørvi stinnastur. Hann vann 148-145 ímóti liðfelaganum Jóannesi Poulsen.

Vinnarar samanlagt

Fimm tær bestu kappingarnar av tíggju hjá hvørjum einstøkum skjútta telja við í grand prix-kappingini, sum hevur verið í vetur.

Sólgerð Henriksen vann í recurve við kvinnum við 33 stigum, Hans Petur Højgaard  fór avstað við sigrinum í recurve við monnum við 33 stigum og í compound vann Jóannes Poulsen kappingina við 35 stigum.