- Tíðindi, mentan og ítróttur
Hilmar Eliasen fegnast um at sleppa úr SSL-stjórastarvinum
![](https://kvf.fo/sites/default/files/styles/grein-ovasta-mynd/public/hilmar_3.png?itok=n7ZUu95-)
Aftaná átta ár á odda fyri Strandferðsluni gevst Hilmar Eliasen í dag sum stjóri.
Høvið var komið at gera eina fráfaringaravtalu, og tað fegnist eg um, sigur fráfarandi stjórin.
Men júst hvør orsøkin er til, at hann og Fíggjarmálaráðið hava skrivað undir eina fráfaringaravtalu hevur hann ikki hug at koma nærri inn á.
Hilmar Eliasen leggur dent á, at talan hvørki er um, at hann hevur sagt seg úr starvi ella at hann er uppsagdur.
Talan er um eina avtalu at steðga samstarvið, sigur hann.
Fráfaringaravtalan, sum Hilmar Eliasen, Uni Rasmussen, landsstýrismaður í fíggjarmálum, og Bjarni Askham Bjarnason, aðalstjóri í Fíggjarmálaráðnum, undirskrivaðu í morgun, hevur verið ávegis, sigur Hilmar Eliasen.
Eitt mál, sum hevur fylgt nógv í Strandferðsluni og politisku skipanini seinastu mánaðirnar, er nýggja bíleggingarskipanin til Strandferðsluni, sum bleiv munandi dýrari enn upprunaliga ætlað.
Málið um bíleggingarskipanina er ikki orsøkin til, at stjórin og Fíggjarmálaráðið eru vorðin samd um at fara hvør sín veg.
segði Hilmar Eliasen, fráfarandi stjóri í Strandfaraskipum Landsins, við Hall av Rana.