- Tíðindi, mentan og ítróttur
Í fongsul í eitt ár fyri at royna at smugla 6,6 kilo av hashi
12.04.2022 - 10:00
Aktuelt›112
Í fongsul í eitt ár fyri at royna at smugla 6,6 kilo av hashi
Ein donsk kvinna, sum er fødd í 1990, fekk í gjár eitt árs treytaleysa fongsulsrevsing fyri at royna at smugla 6,6 kilo av hashi til Føroya
Seks kilo av hashi royndi ein donsk kvinna at smugla til Føroya við Norrønu
Mynd: Shutterstock.com
Ákæruvaldið kravdi eitt ár og tríggjar mánaðir.
Ein dómur, sum fall í Føroya rætti í november í fjør, var eisini eitt ár, men tá var hashmongdin minni, hon var 5,3 kilo.
Tí eiga 6,6 kilo at geva harðari dóm enn eitt ár, heldur ákæruvaldið.
Verjin helt, at eitt ár og ikki meira enn 13 mánaðir var hóskandi revsing.
Kom við Norrønu
Kvinnan kom til Føroya úr Danmark við Norrønu 21.mars.
Hashið var væl krógvað í bilinum hjá henni, men hundurin hjá tollvaldinum fann hashið.
Bilurin er konfiskeraður.
Játtaði seg partvís seka
Kvinnan játtaði seg partvís seka.
Ákæruvaldið fer nú at kanna, um dómurin skal skjótast inn fyri Landsrættin.
Eftir rættarfundin í gjár var kvinnan latin leys.
Hon var í varðhaldi frá 21.mars.
Er kopiera
Sí eisini
Nýggjastu sendingar í ÚV
Nýggjastu sendingar í SV
