Nógv brúka handhildna telefon, meðan tey koyra

02.05.2022 - 08:44
AktueltSamfelag
Nógv brúka handhildna telefon, meðan tey koyra
Í dag verður farið undir átak um gáloysni í ferðsluni, har m.a. telefonnýtsla í ferðsluni verður kannað
Ráðið fyri ferðslutrygd, Trygd og Betri trygging fara í dag undir eitt átak um gáloysni í ferðsluni. 
 

Higartil í ár hevur politiið skrásett 141 bilførarar fyri at brúka handhildna telefon, meðan teir koyrdu.

Í 2021 var talið 295, tað var 373 í 2020, 247 í 2019 og 432 í 2018.

Sektin fyri at brúka handhildna telefon er 1.000 kr.

Hetta er minni enn í Danmark. Har er sektin 1.500 kr. umframt klipp í koyrikortið. 

Í ferðslutrygdarætlanini fyri Føroyar 2019-2027 verður mælt til, at handhildin telefon í ferðsluni skal geva klipp í koyrikortið.

 

Átak um gáloysni

Ráðið fyri ferðslutrygd, Trygd og Betri trygging fara í dag undir eitt átak um gáloysni í ferðsluni. 

Átakið varar í tríggjar vikur. Politiið fer at kanna telefonnýtslu í ferðsluni, meðan átakið er.

Gáloysni er ikki nóg væl skjalfest í føroysku hagtølunum. Men í Danmark til dømis er gáloysni orsøk til meira enn helvtina av deyðsvanlukkunum í ferðsluni.

Í kanning, sum Lóður gjørdi fyri Ráðið fyri ferðslutrygd, svaraðu 47 prosent, at gáloysni er størsta orsøk til, at fólk fáa skaða í ferðsluni. 

Kortini søgdu 20 prosent seg javnan brúka handhildna telefon, meðan tey koyra bil.

Er kopiera
Nýggjastu sendingar í ÚV
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573