ES-forsetin noyddist at leita sær skjól í Odessa

Foprsetin í ES, Charles Michel, mátti í skundi finna sær skýli, tá hann í gjár var á loyniligari vitjan í Odessa í Ukraina.

Russar søktu at málum í býnum, samstundis sum Michel hevði fund við forsætisráðharran í Ukraina, Denys Sjmyhal.

Tá fundurin og atsóknin var av, segði Michel, at ES framveg9s fer at stuðla Ukraina í allar mátar í stríðnum ímóti Ruslandi.

Charles Michel segði, at nógv korn verður avskipað úr Odessa til nógv lond kring heimin. Men kríggið hevur gjørt, at tað er ikki møguligt, og tí má ein loysn finnast, so londini, sum eru ringast fyri, kunnu fáa nóg mikið av korni.

Talan kann gerast um eina vanlukku fyri fleiri lond, sigur Charles Michel.