Lærarafelagið: Lønarhækking, stytt arbeiðsvika og minni flokkar

Lærarafelagið: Lønarhækking, stytt arbeiðsvika og minni flokkar
Læraralønin skal standa mát við lønina hjá øðrum bólkum, sum eru tætt við lærarayrkið, sigur formaðurin í Lærarafelagnum
Jacob Eli S. Olsen er formaður í Lærarafelagnum.
 
17.05.2022 - 08:21

Lærarafelagið er farið at fyrireika seg til samráðingarnar í heyst.

Sáttmálin er til 1.oktober.

Jacob Eli S. Olsen, formaður í Lærarafelagnum, sigur við Skúlablaðið, at felagið fer at leggja dent á eina lønarøking, so læraralønin stendur mát við lønina hjá øðrum bólkum, sum eru tætt við lærarayrkið.

Stytt arbeiðsvika er eisini á skránni og minni flokkar.

 

28 tímar um vikuna

Ein lærari í Føroyum undirvísir 28 tímar um vikuna, ein lærari í Danmark undirvísir 25 tímar, og í Finnlandi, sum vit ofta taka fram sum ein framúr skúla, undirvísir ein flokslærari í 1. til 5. flokki 23 tímar um vikuna.

Lærarar í hádeildini í Finnlandi undirvísa bara 18 tímar um vikuna, skrivar Skúlablaðið. 

26 næmingar í einum flokki eru ov nógvir. 20 næmingar eru hóskandi, sigur formaðurin í Lærarafelagnum við Skúlablaðið. 

 

20 næmingar íeinum flokki er hóskandi, heldur formaðurin í Lærarafelagnum.

 

Skal styttast við lóg

Felagið arbeiðir saman við feløgunum í Fakfelagssamstarvinum fyri at stytta arbeiðsvikuna. 

Feløgini eru á einum máli um, at løgtingið eigur at stytta arbeiðsvikuna við lóg, eins og gjørt var, tá arbeiðsvikan var stytt niður í 40 tímar í 1978.

Lærarafelagið hevur skotið upp, at eftirútbúgvingin hjá lærarum kemur serskild í fíggjarlógina, heldur enn at vera í játtanini, sum fólkaskúlin fær.
 
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585