Onnurhvør norðhavssild í føroyskum kanningarøki

17.05.2022 - 16:00
AktueltSamfelag
Onnurhvør norðhavssild í føroyskum kanningarøki
Jákup Sverri hevur kannað silda- og svartkjaftastovnin norðanfyri
Jákup Sverri er við í felagskanning av norðhavssild og svartkjafti.
 

Aftur í ár er meira enn onnurhvør norðhavssild í føroyska kanningarøkinum av stóra árganginum frá 2016, og tað vil siga, at hesin árgangurin nú er bulurin í vaksna stovninum.

Tað skrivar Havstovan.

Týsdagin kom Jákup Sverri aftur av árligu silda- og svartkjaftakanningunum norðanfyri. 

Nakað minni var skrásett av sild og nakað meiri av svartkjafti í føroyska kanningarøkinum enn í fjør.

 

Mesta sildin norðanfyri

Mesta sildin stóð norðarlaga í kanningarøkinum, norðari enn undanfarnu árini, meðan lítið og onki var at síggja suður móti føroyska landgrunninum og á Íslandsrygginum.

Svartkjafturin, hinvegin, var fingin upp at føroyska landgrunninum, á og móti Íslandsrygginum og eystast í kanningarøkinum.

Sera nógv av eitt og tvey ára gomlum svartkjafti var at síggja. 

Greiðar ábendingar eru nú um, at árgangurin frá 2020 er góður, og helst er 2021-árgangurin yvir miðal. Sera lítið var av eldri svartkjafti.

 

Altjóða felagskanning

Kanningin er skipað sum altjóða felagskanning, har Føroyar eru við saman við Noregi, Íslandi, ES og Danmark og Russlandi. 

Hini skipini kanna framvegis havøkið norðan fyri Føroyar.

Samlaða nøgdin av norðhavssild frá øllum rannsóknarskipunum verður roknað á fundi um hálvan juni, skrivar Havstovan.

Er kopiera
Nýggjastu sendingar í ÚV
Mánadag 5. desember
Norðurljóð 5.desember 2022
148954
Mánadag 5. desember
Orðatøk í Málteiginum
148950
Mánadag 5. desember
Góðan morgun Føroyar 05.12.2022
148946
Nýggjastu sendingar í SV
Mánadag 5. desember
Sjálvstýri í Andglettinum
148753
Mánadag 5. desember
Val kring landið - Setrið í Havn
148951
Sunnudag 4. desember
Annar sunnudagur í advent
148927
Sunnudag 4. desember
Guðstænasta í Vesturkirkjuni
148908
Fríggjadag 2. desember
Javnaðarflokkurin í Andglettinum
148751