Semingsuppskot komið á borðið

Á middegi fæst at vita, hvørt tað røkkur ella støkkur í sáttmálatrætuni millum arbeiðarafeløgini og Føroya Arbeiðsgevarafelag.

Klokkan 22 týskvøldið legði semingsstovnurin eitt semingsuppskot fyri partarnar. Tey hava fingið fresit til kl. 12 mikudagin at svara, hvørt tey taka undir við semingsuppskotinum ella ikki.

Terje Sigurðsson, semingsmaður, segði mánakvøldið, at partarnir stóðu sera langt frá hvørjum ørðum, og at ongin vildi flyta seg.