Uppskot um misálit verður neyvan samtykt

07.06.2022 - 09:33
AktueltÚtheimurin
Uppskot um misálit verður neyvan samtykt
Uttanflokkatingkvinnan í svenska ríkisdegnum, Amineh Kakabaveh, sigur, at hon fer ikki at atkvøða fyri uppskotinum hjá Svøríkisdemokratunum
Svøríkisdemokratarnir hava reist misálit á Morgan Johansson, løgmálaráðharra, men tað verður neyvan samtykt.
Mynd: Ritzau Scanpix  
 

Líkt er til, at eitt uppskot um misálit á svenska løgmálaraðharran, Morgan Johansson, verður felt, tá atkvøðugreiðsla eftir ætlan verður um middagsleitið.

Uttanflokkatingkvinnan, Amineh Kakabaveh, boðar í morgun frá, at hon fer ikki at atkvøða fyri misálitisuppskotinum hjá Svøríkisdemokratunum, og tí verður uppskotið neyvan samtykt.

Amineh Kakabaveh segði annars í gjárkvøldið, eftir at hava havt fund við umboð fyri svenska javnaðarflokkin, at hon ikki hevði tikið avgerð um, hvussu hon fór at atkvøða.

Men í morgun hevur hon eftir øllum at døma tikið støðu, og fer ikki at fella svensku stjórnina.

Andstøðan í svensika ríkisdegnum manglar eina atkvøðu fyri at fáa uppskotið samtykt.

 

Magdalena Andersson, forsætisráðharri, hevur gjørt greitt, at verður misálitið á løgmálaráðharran samtykt, leggur øll stjórnin frá sær. (Mynd: Ritzau Scanpix)

 

Øll stjórnin leggur frá sær

Svenski forsætisráðharrin, Magdalena Andersson, hevur boðað frá, at øll stjórnin leggur frá sær, um misálitið verður samtykt.

Amineh Kakabaveh, sum er kurdi av uppruna, hevur fyrr boðað frá, at hon fór at atkvøða fyri misálitisuppskotinum, um svenska stjórnin ikki lovar at halda fast um avgerðina um ikki at selja vápn til Turkalands, og gevst at skíra kurdiskar felagskapir at vera yvirgangsfelagskapir.

 

Amineh Kakabaveh, uttanflokkatingkvinna, hevur boðað frá, at hon fer ikki at atkvøða fyri misálitinum, men tað er ikki treytaleyst. 

 

Hennara krav er beinleiðis ímóti krøvunum, sum Turkaland setur, fyri at loyva Svøríki at gerast limur í NATO.

Hon finst eisini at svensku stjórnini fyri at ganga ørindi fyri Tuskaland, tá spurningurin er um kurdar.

- Tí kann tað henda, at eg aftur broyti støðu, og fari at atkvøða fyri uppskotinum um misálit, sigur Amineh Kakabaveh. 

Er kopiera
Nýggjastu sendingar í ÚV
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Hósdag 8. desember
Góðan morgun Føroyar 08. desember 2022
149097
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753