- Tíðindi, mentan og ítróttur
Gongur illa at selja Tesla
Gongur illa at selja Tesla
Sølan í ES-londum er minkað eina helvt seinasta árið
Sambært tølunum hjá Akstovuni er eingin nýggjur Tesla bilur komin til Føroya í ár, men fýra brúktir.
27.05.2025 - 08:13
Tað gongur illa hjá amerikanska bilframleiðaranum, Tesla, at venda gongdini.
Í apríl vaks elbilasølan í øllum 27 londum í ES, men sølan hjá Tesla minkaði meira enn 52 prosent samanborið við sama mánað í fjør.
Tað vísir ein uppgerð hjá Acea, sum er samfylkingin fyri bilasølur í Evropa, sambært AFP-tíðindastovuni.
Sambært tølunum hjá Akstovuni er eingin nýggjur Tesla bilur komin til Føroya í ár, men fýra brúktir.
Tríggir nýggir komu í fjør og seks í 2023.
Tað er ríkmaðurin Elon Musk, sum eigur Tesla.
Er kopiera
Nýggjastu sendingar í ÚV
Nýggjastu sendingar í SV
