Landið selur partapeningin í Tjaldri

09.06.2022 - 13:29
AktueltPolitikkur
Landið selur partapeningin í Tjaldri
Sølan skal avgreiðast sum skjótast, sigur Uni Rasmussen, landsstýrismaður
Ognarluturin hjá landinum í partafelagnum Tjaldri er sjey mió. kr. Ognin í Tjaldri stavar frá søluni av Skipafelagnum, sum Eimskip keypti.
 

Nú byrjar tilgongdin at selja landsins part í partafelagnum Tjaldri. Parturin hjá landinum er 2,8 prosent av partapeninginum, og sambært fíggjarlógini fyri í ár, er virðið mett til umleið sjey milliónir kr.

Fíggjarmálaráðið sigur seg hava tørv á ráðgeving og fyriskipan av søluni, og vil hava fyritøkur at bjóða seg til at avgreiða tann partin.

Tilfar um tað sæst á Keypsportalinum.

Sølan skal avgreiðast sum skjótast, sigur landsstýrismaðurin í fíggjarmálum, Uni Rasmussen:

 

1532606

 

Fleiri dótturfeløg

P.f. Tjaldur er samtaksfelag, har virksemið í mestan mun fer fram í dótturfeløgum.

Atknýttu fyritøkurnar eru Sp/f Kerið, Sp/f Skrínið, Sp/f Hjallur, Sp/f Undir Bryggjubakka, Sp/f Løkir, P/f John Dam & Co., P/f North Nest Capital, Sp/f Kolan og Tjaldur Holdco I AS (Oslo).

Felagið eigur kapitalpartar í assosieraðu fyritøkunum Sp/f Vindrøkt og Sp/f Føroyska Nummarfelagið. Felagið ger eisini íløgur í onnur virðisbrøv og kapitalpartar.

Virksemið er á ymiskum vinnuøkjum og marknaðum og er innan sølu, tænastu og menning av útgerð til alivinnuna, fiskivinnuna, orku, KT-veiting og íløgur annars.

 

Eginognin 538 mió. kr.

Í roknskapinum 2021 var samlaða ognin hjá samtakinum 909,3 mió. kr. og eginognin 538 mió. kr., av hesum eru minnilutapartar 111,3 mió. kr.

Nettosølan var 1.305,1 mió. kr. og úrslitið 194 mió. kr., av hesum 22,4 mió. kr. til minnilutaáhugamálini. P.f. Tjaldur læt vinningsbýti upp á 25 mió. kr., og hevur latið 15-25 mió. kr. í vinningsbýti síðani 2015.

Ráðgevingararbeiðið skal byrja í juli og skal vera avgreitt skjótast gjørligt, upplýsir Fíggjarmálaráðið.
 

Er kopiera
Nýggjastu sendingar í ÚV
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Fríggjadag 5. august
Morgunlesturin fríggjadagur 5. august 2022
142557
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750