Tað var ikki yvirgangur

Tað var ikki yvirgangur, tá ein maður í gjár koyrdi inn í eina mannamúgvu í Berlin.

Heldur var 29 ára gamli maðurin, sum koyrdi bilin, sálarliga sjúkur, sigur borgarstjórin í Berlin, Franziska Giffey, við týsku útvarpsstøðina, RBB Inforadio.

- Við hjálp frá tulkum roynir politiið at fáa greiði á, hvat tað er, sum týski-armenski maðurin sigur, tí hann er illa fyri, sigur Giffey.

Ein kvinna doyði, tá hon var yvirkoyrd.

Hon var lærari hjá einum skúlaflokki, sum var útferð í Berlin, og 14 næmingar úr flokkinum fingu skaða í tilburðinum.