Svartkalvastovnurin er um miðal

22.06.2022 - 14:58
AktueltVinna
Svartkalvastovnurin er um miðal
Jákup Sverri hevur kannað svartkalva undir Føroyum
Túrurin hjá Jákupi Sverra var bara tríggjar dagar, tí ymiskt arbeiði skuldi gerast umborð.
 

Svartkalvastovnurin í ár er um miðal.

Tað vísa úrslitini av svartkalvatúrinum, sum havrannsóknarskipið, Jákup Sverri, hevur verið á.

Fyribilsúrslitið frá túrinum gav í miðal 106 kg av svartkalva fyri hvønn troltíma. Í miðal fyri árini 1995-2021 vóru fiskað 115 kg av svartkalva um tíman, so í ár var veiðan eitt vet undir miðal, skrivar Havstovan.

 

Túrurin bara tríggjar dagar

Av tí at ymiskt arbeiði skuldi gerast umborð á Jákupi Sverra undan fráferð, var túrurin bara tríggjar dagar langur og ikki seks dagar, sum vanligt er. Av tí sama vórðu bara11 støðir tiknar, og tær vóru allar eystanfyri.

Av 2.680 longdarmátaðum svartkalvum vóru umleið 70% millum 45 og 55 cm langir, tvs. smáur svartkalvi. Magakanningar vístu, at svartkalvi í høvuðsheitum etur svartkjaft.

 

Hava kannað síðani 1995

Svartkalvakanning hevur verið gjørd á hvørjum ári síðani 1995. Á túrinum verður svartkalvi kannaður í kantinum á føroyska landgrunninum. Troldýpið liggur vanliga millum 400 og 500 metrar, og hitin í  botninum er vanliga um 1-2 stig.

Er kopiera
Nýggjastu sendingar í ÚV
Sunnudag 14. august
Guðstænasta í Nólsoyar kirkju
143303
Leygardag 13. august
Morgunlestur leygardagur 13. august 2022
143011
Fríggjadag 12. august
Morgunlestur fríggjadagur 12. august 2022
143010
Hósdag 11. august
RagnarRokk 11.august 2020
140693
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750