- Tíðindi, mentan og ítróttur
Revsingin fyri neyðtøku herd
Sjeynda árið á rað fer Samtykkisamstarvið at skipa fyri summarátaki kring landið, nú stevnur, festivalar og onnur tiltøk eru á skránni. Júst í ár eru stig tiki til at broyta neyðtøkuásetingina í revsilógini til at verða samtykkisgrundaða, umframt at herða revsingina fyri neyðtøku. Øll árini hevur endamálið við Samtykkiátøkunum verið at minna á og at varpa ljós á, at uttan samtykki gera vit okkum inn á kropsliga sjálvræðið hjá tí einstaka. Ársins átak hevur fingið heitið “Spyr bara - sex krevur samtykki”. Hesin boðskapur verður sjónligur á fleiri av teimum tiltøkum, ið eru kring landið í summar, og eisini á sosialu miðlunum. Fólkaheilsuráðið, Føroya Politi, Amnesty Føroyar og Sig frá/Almannamálaráðið skipa í felag fyri Samtykkiátakinum, sum hevur sína egnu heimasíðu, samtykki.fo.