Nýggj stjórn í BankNordik

Nevndin í BankNordik boðar í tíðindaskrivi í dag frá, at Turið F. Arge verður nýggjur forstjóri í BankNordik eftir Árna Ellefsen. Harumframt verður Heini Thomsen nýggjur stjóri í samtakinum. 

Í apríl í ár segði Árni Ellefsen seg úr starvi sum forstjóri. Hann heldur kortini fram sum forstjóri, væntandi til eftir at ársroknskapurin fyri 2022 er kunngjørdur. Tá tekur Turið F. Arge yvir. 

- Bankin hevur í dag tríggjar stjórar, har tann eini er skrásettur stjóri. Framyvir verður tað soleiðis, at bankin fer at hava tveir skrásettar stjórar, segði Birita Sandberg Samuelsen, nevndarforkvinna í samtakinum við útvarpið í morgun. 

Frá 1. juli 2022 eru Árni Ellefsen, forstjóri, Turið F. Arge, stjóri og Heini Thomsen, stjóri í stjórnini í BankNordik.