Føroysk húsarhald meira stúrin um búskaparligu útlitini enn fyrr

Húsarhaldini í Føroyum eru meira stúrin um búskaparligu útlitini, enn tey hava verið.

Tað kemur fram í nýggjastu spurnakanningini um konjunkturbarometrið, sum Hagstovan hevur gjørt.

Væl færri ætla sær nú at brúka størri upphæddir uppá eitt nú møblar og elektroniskar lutir enn í januar, tá ið seinasta kanningin undan hesari varð gjørd.

Somuleiðis eru eisini færri, ið meta, at bilur verður keyptur, og at størri upphæddir verða brúktar til bústaðarábøtur næsta árið í mun til undanfarna árið.

Hetta sæst millum annað eisini aftur í bilasøluni. Fyrra hálvár vórðu 137 færri persónbilar seldir í mun til fyrra hálvár í 2021. Í prosentum svarar minkingin til 12 prosent.

Um búskaparstøðuna í Føroyum og útlitini fyri búskapin sum heild komandi árið meta húsarhaldini, at búskaparstøðan um eitt ár er versnað í mun til støðuna í dag