Kostar minst 100 milliardir at endurbyggja Mariupol

Tað fer at kosta minst 100 millardir krónur at endurbyggja Mariupol har suðuri í Ukraina.

Tað er metingin hjá borgarstjóranum, Vadym Boichenko, sambært Telegram.

Samstundis kann tað taka 10 ár at endurbyggja býin, so 200.000 fólk kunnu fáa sømiligar bústaðir.

Borgarstjórin í Mariupol sigur, at 1.356 háhús eru oyðiløgd, og at 40 prosent av øllum bústøðunum í býnum eru bumbaðir.

Myndugleikarnir samstarva í løtuni við Dresden, Gdansk og Varsjava, sum allir vórðu lagdir í oyði undir Seinna heimsbardaga, fyri at læra av teirra royndum.

Mariupol varð lagdur í oyði, áðrenn tað aftur eydnaðist at endurvinna tamarhaldið á býnum seint í apríl mánað.