Shinzo Abe skotin

Shinzo Abe varð skotin umleið klokkan 11:30 lokala tíð. Tað er ikki vist, hvussu hann hevur tað, skrivar Ritzau.

Tað segði ein leiðandi talsmaður hjá japansku stjórnini á einum tíðindafundi tíðliga í morgun okkara tíð.

67-ára gamli Shinzo Abe er koyrdur á sjúkrahús, og lokalir fjølmiðlar skriva sambært tíðindastovuni, AFP, at tað lirrar ikki í honum.

Ein tíðindamaður sigur sambært Reuters, at tvey brak hoyrdust, ið ljóðaðu sum skot, tá ið fyrrverandi forsætisráðharrin helt røðu.

Ein 42 ára gamal maður er handtikin fyri at hava roynt at dripið fyrrverandi forsætisráðharran.

Shinzo Abe var forsætisráðharri í Japan í 2006 og aftur frá 2012 til 2020. Eingin annar hevur sitið so leingi í embætinum, sum hann.