LEGO uppsagt sáttmálan við handlar í Russlandi

Fyritøkan LEGO hevur sagt upp sáttmálan við 81 handlar, sum selja lego-kubbarnar í Russlandi.

Tað sigur rakstrarfyritøkan, ið rekur handlarnar í Russlandi, sambært tíðindastovuni, Reuters.

LEGO-fyritøkan sjálv eigur ongar handlar í landinum.

Sáttmálauppsøgnin kann merkja, at allir handlarnir í Russlandi gevast at selja lego-kubbarnar.

Danska fyritøkan boðaði í mars frá, at hon steðgaði søluni til Russlands eftir innrásina í Ukraina.

Eitt miðlafólk hjá LEGO sigur við tíðindastovuna, AFP, at fyritøkan steðgar allari sølu í Russlandi í óásetta tíð.

LEGO-fyritøkan er ikki hin einasta, íð steðgar søluni í Russlandi. Fyritøkan Nike, ið selur ítróttarklæði, hevur eisini gjørt tað sama.