Setan av KVF-stýrisformanni er brot á javnstøðulógina

Mai Laksafoss, forkvinna í Javnstøðunevndini, sigur, at avgerðin hjá Jenisi av Rana, landstýrismanninum í mentamálum, um at seta ein mann sum formann fyri Kringvarpsstýrið er brot á Javnstøðulógina.

Herfyri setti Jenis av Rana, landsstýrismaður, Símun Jóannesarson Hansen sum formann fyri Kringvarpsstýrið, eftir at Elin Winther Poulsen legði frá sær sum forkvinna, tí hon fer aftur í starv í Kringvarpi Føroya. 

simun joannesarson hansen

Landsstýrismaðurin kann tó, sambært Javnstøðulógini, søkja um undantaksloyvi at víkja frá javnstøðulógini, um serligar grundir eru fyri tí, men tað hevur Jenis av Rana ikki gjørt. 

Javnstøðunevndin kann ikki lata hetta fara aftur við borðinum, sigur Mai Laksafoss, forkvinna, tí sambært javnstøðulógini skal Javnstøðunevndin hava eftirlit við, at lógin verður hildin.

Tá talan er um javnstøðu í almennum ráðum og nevndum, hevur framgongd annars verið seinastu nógvu árini. Hendan framgongdin er tó ikki at síggja fyri tíðina.

Mai Laksáfoss Simonsen.jpg

Frítekst tagging: 

Mai Laksáfoss Simonsen

Í framtíðini skal meira fokus setast á javna umboðan millum kynini í almennum nevndum og ráðum, sigur Mai Laksafoss, forkvinna í Javnstøðunevndini.