Nú vera færri akfør skrásett

Bilsølan er minkað í hesum árinum. 

Fyrstu sjey mánaðirnar í ár eru skrásett tilsamans 338 færri nýggj akfør enn somu tíð í fjør. 

Higartil í ár eru innflutt 1456 nýggj akfør. Somu tíð í fjør vóru tey 1794 í tali.

Í juli vóru seldir 66 nýggir persónbilar, 30 færri enn í juli í fjør.

Frá januar til juli vóru 1090 nýggir persónbilar skrásettir, 200 færri enn somu tíð í fjør. 

209 brúkt akfør eru skrásett í ár, 52 færri enn í fjør.