Skjót krabbameinskanning minkar um vandan fyri at doyggja

01.08.2022 - 10:22
AktueltHeilsa
Skjót krabbameinskanning minkar um vandan fyri at doyggja
Hjá monnum, sum verða screenaðir fyri krabba í tarmunum, minkar vandin 51 prosent
Í krabbameinsætlanini, sum Heilsumálaráðið kunngjørdi í vár, verður eisini mælt til at screena fyri tarmkrabba.
Mynd: Bjarni Árting Rubeksen  
 

At verða screenaður fyri krabbamein í tarminum, minkar um vandan fyri at doyggja.

Tað vísir gransking á sjúkrahúsinum í Region Midtjylland í Danmark.

Hvørt ár fáa umleið 5.000 fólk í Danmark staðfest krabba í tarminum. Í Føroyum hava vit ikki screening fyri krabbamein í tarmi.

- Við at verða screenaður, minkar vandin fyri at doyggja vanliga  29 prosent, sigur Mette Bach Larsen, sum er senior-granskari á universitetsdeildini fyri krabbameinsscreening, við danska kringvarpið.

 

2.000 doyggja um árið

Hon greiðir frá, at verður hugt at monnum, sum er farnir um tey seksti, minkar vandin fyri at doyggja 51 prosent.

Enn er tað bara stívliga helvtin av donskum monnum, sum taka av tilboðnum um screening.

Hvørt ár doyggja umleið 2.000 danir av sjúkuni.

 

Kaj Leo Holm Johannesen, landsstýrismaður, fekk nýggju krabbameinsætlanina frá arbeiðsbólkinum í vár.

 

Mæla eisini til screening í Føroyum

Í krabbameinsætlanini fyri Føroyar, sum Heilsumálaráðið kunngjørdi í apríl í ár, verður mælt til, at tað eins og í okkara grannalondum verður farið undir screening fyri tarmkrabba.

Mælt verður til at seta ein arbeiðsbólk at fyrireika tilboðið og gera eitt nágreiniligt tilmæli um, hvat krevst fyri at fara undir tílíka screening í Føroyum.

Er kopiera

Sí eisini

Nýggjastu sendingar í ÚV
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Hósdag 8. desember
Góðan morgun Føroyar 08. desember 2022
149097
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753